ஆட்சியாளர்களின் முடிவுகள் மீது நம்பிக்கை இல்லை! கமல் ஆவேசம்!

7

கமலின் பேச்சு பல நேரங்களில் விளக்கெண்ணையில் விழுந்த வாழைப்பழம் போல படு ஜாக்கிரதையாக இருக்கும். இன்றைய சென்னை நிலவரம் பற்றி கடும் கோபத்துடன் சில கருத்துக்களை வெளிப்படுத்த துணிந்திருக்கிறார். அதே நேரத்தில் அவருக்குள்ளிருக்கும் இன்னொரு கமல், பார்த்து… கவனம் என்று கூறிவிட்டது போலும். மிக ஜாக்கிரதையாக வார்த்தைகளை கையாண்டிருக்கிறார். அவர் ஒரு ஆங்கில இணையதளத்தில் கூறிய கருத்துக்கள் அப்படியே கீழே-

“ஒரு பாதுகாப்பான அறையில் அமர்ந்து கொண்டு என் சக சென்னை மக்கள் மழையிலும் வெள்ளத்திலும் அவதிப்படுவதை ஜன்னல் வழியாக வேடிக்கை பார்த்துக்கொண்டிருக்கிறேன். உண்மையில் எனக்கு இப்படி இருப்பது வெட்கமாக இருக்கிறது. தமிழகத்தின் தலைநகரான சென்னைக்கே இந்த நிலைமை என்றால் பிற பகுதிகளைப் பற்றிச் சொல்லவே வேண்டியதில்லை. ஏழைகளுக்கும், நடுத்தர வகுப்பினருக்கும் இது ஒரு கெட்ட கனவு. பணக்காரர்கள் பிறர் படும் துன்பம் கண்டு வெட்கப்படவேண்டும் . நான் பெரிய பணக்காரன் இல்லையென்றாலும் ஒன்றும் செய்யமுடியாமல் வேடிக்கை பார்ப்பது எனக்கே வெட்கத்தை உண்டாக்கிறது.

ஒட்டுமொத்த நிர்வாகமும் குலைந்து போய்க் கிடக்கிறது, மழை நின்றாலும் சென்னை இதிலிருந்து மீண்டு வர பல மாதங்கள் ஆகலாம். மக்களின் வரிப்பணம் எங்குச் செல்கிறது எனத் தெரியவில்லை. நான் கருப்புப் பணம் வைத்திருப்பவன் அல்ல, ஒழுங்காக வரி கட்டுபவன். நான் உழைத்துச் சம்பாரித்துக் கட்டிய வரிப்பணம் உரியவர்களுக்குப் போய்ச் சேர்வதில்லை என நன்றாகத் தெரிகிறது.

எனக்குக் கடவுள் நம்பிக்கை இல்லை, தங்களைக் கடவுளாக அறிவித்துக்கொண்ட ஆட்சியாளர்களின் முடிவுகள் மீதும் நம்பிக்கை இல்லை. யார் ஆளும் கட்சியாக இருந்தாலும் சரி, கார்ப்ரேட் திட்டங்களுக்கு ரூ.4000 கோடி செலவழிக்கிறார்களே, அதை 120 கோடி மக்களுக்குப் பிரித்துக்கொடுத்தால் அனைவரும் கோடிஸ்வர்கள்தானே.

இது போன்ற அசாதாரண நிகழ்வுகள் ஏற்பட்டால் உடனே எங்களைப் போன்றவர்களிடம் இருந்து பொருளாதார உதவிகளை அரசு எதிர்பார்க்கிறது, ஆனால் அதற்காகத்தான் அரசை நாம் நியமித்துள்ளோம் என்பதை மறந்துவிடுகின்றனர். அரசோடு ஒப்பிடுகையில் நான் குறைவாகவே சம்பாரித்தாலும், கொடுக்க வேண்டியது என் கடமை என்பதும் எனக்குத் தெரியும். கண்டிப்பாக நான் நிதியளிப்பேன் ஆனால் அது மக்களின் ரத்தத்தை உறிஞ்சிய பணக்காரனின் பணம் அல்ல, மக்களை உண்மையாகவே நேசிக்கும் ஒருவனின் பணம். அரசு எல்லோரையும் ஒன்றாக நடத்தினால் ஏழை,பணக்காரன் பேதம் ஒழிந்து போகும்”

கமலின் இந்த ஆவேச முழக்கம் நியாயமானதுதான்.

7 Comments
  1. shank says

    He can simply say that he does not want to donate money to the relief fund.What a stingy guy. Hasn’t spend a single rupee for anyone whether it in cine field or otherwise.

  2. suri says

    It is true. It is in the mind of refection of every tax payers

  3. Arun Pandian says

    He is selfish actor.

  4. தியாகராஜன் says

    நடிகர் சித்தார்த், ஆர்.ஜே. பாலாஜி, மயில்சாமி, விஷால், கார்த்தி, மற்றும் நடிகர் சங்கத்தைச் சேர்ந்த நிர்வாகிகள் ஆகியோர் சைதாப்பேட்டை, கோட்டூர்புரம், அண்ணாநகர், பூந்தமல்லி உள்ளிட்ட வெள்ளத்தால் பாதிக்கப்பட்ட பல பகுதிகளுக்குச் சென்று பாதிக்கப்பட்டவர்களுக்கு பிஸ்கட்டுகள், உணவு, பாய், போர்வை ஆகியவற்றை வழங்கி வருகிறார்கள்.

    இந்தப் பணியில் நடிகர் சித்தார்த், ஆர்.ஜே.பாலாஜி, மயில்சாமியின் களப்பணியைப் பாராட்ட வார்த்தைகளே இல்லை என்கிற அளவுக்கு உண்மையாய் நிவாரணப்பணிகளை செய்து வருகின்றனர்.

    இப்படியாக, திரையுலகைச் சேர்ந்த இளம் கலைஞர்கள் வெள்ளம் பாதித்த பகுதிகளில் களத்தில் இறங்கி இரவு, பகல் பார்க்காமல் நிவாரணம் மற்றும் மீட்புப் பணிகளில் ஈடுபட்டுள்ளநிலையில், ஒரு அறிக்கையை வெளியிட்டிருந்தார் நடிகர் கமல்.

    “மழை வெள்ளத்தால் பெரிய சேதம் ஏற்பட்டுள்ளது. இதனை, இயற்கை பேரிடர் என்பது குறைத்து மதிப்பிடும் வார்த்தை. சென்னைக்கே இந்த நிலைமை ஏற்பட்டு உள்ளது. தமிழகத்தின் மற்ற பகுதிகளையும் கற்பனை செய்து பாருங்கள்?

    ஏழைகளும் நடுத்தர மக்களும் வெள்ள பாதிப்பினால் அச்சத்தில் இருக்கிறார்கள். இதற்காக வசதி படைத்தவர்கள் வெட்கப்பட வேண்டும். நான் பெரிய பணக்காரன் இல்லை. ஆனாலும் என் ஜன்னலை திறந்து வெளியே மக்கள் படும் கஷ்டங்களை பார்த்து வெட்கப்படுகிறேன். எனக்கு கடவுள் கிடையாது. நிர்வாகம் சீர்குலைந்து இருக்கிறது. மழை நின்ற பிறகும் கூட பாதிப்பில் இருந்து மீண்டு இயல்பு நிலைக்கு சென்னை திரும்புவதற்கு பல மாதங்கள் ஆகும்.

    மக்கள் செலுத்திய வரிப்பணம் எங்கே போனது?

    நான் கருப்பு பணம் வைத்திருக்கவில்லை. என்னுடைய வரியை ஒழுங்காக செலுத்தி வருகிறேன். கடுமையாக நான் உழைத்து சம்பாதித்த அந்த பணத்தை வைத்து எனக்கும் என் மக்களுக்கும் நிர்வாகம் என்ன செய்து இருக்கிறது? எனக்கு கடவுள் கிடையாது. கடவுளாக பாவித்துக்கொள்பவர்களின் முடிவுகளையும் ஏற்க மாட்டேன்.

    ஆளும் அரசாங்கமானது, அது எந்த கட்சியாக இருந்தாலும் கார்ப்பரேட் திட்டத்துக்கு 4,000 ரூபாய் கோடி வரை செலவிட முடிகிறது. நாட்டில் நாம் 120 கோடி மக்கள் இருக்கிறோம். இந்த மக்களுக்கு 4,000 ரூபாய் கோடியை ஏன் பிரித்துக் கொடுக்க கூடாது? அப்படி கொடுத்து இருந்தால் இந்தியர்கள் கோடீஸ்வரர்கள் ஆகி இருப்பார்கள்.

    மக்கள் படும் துன்பங்கள் என்னை கவலையில் ஆழ்த்தி இருக்கிறது. நான் வசதியான வீட்டில் இருப்பதற்காக வெட்கப்படுகிறேன். அரசாங்கத்துடன் ஒப்பிடும்போது எனது வருமானம் மிகவும் சொற்பமானது. ஆனால் வெள்ள நிவாரணத்துக்கு அரசு நம்மிடம் பணம் கேட்கிறது. ஆனாலும் நான் பணம் கொடுப்பேன். ஏனென்றால் அரசு நிர்வாகத்தை நான் மதிக்கிறேன். வசதி படைத்தவனாக என்னை நினைத்துக்கொண்டு கொடுக்கப்போவது இல்லை. நான் எனது மக்களை உண்மையாகவே நேசிக்கிறேன்.”

    கமலின் உணர்வுகளை புரிந்து கொள்ள முடிகிறது. அதில் உண்மை இருப்பதையும்தான்.

    ஆனால் தன் மோதவித்தனத்தைக் காட்ட இதுவா நேரம்?

    வேட்டியை மடித்துக் கட்டிக் கொண்டு வெள்ளத்தில் இறங்கி பாதிக்கப்பட்ட மக்களை தேடி வந்திருக்க வேண்டாமா?

    ”ஒரு பாதுகாப்பான அறையில் அமர்ந்து கொண்டு என் சக சென்னை மக்கள் மழையிலும் வெள்ளத்திலும் அவதிப்படுவதை ஜன்னல் வழியாக வேடிக்கை பார்த்துக்கொண்டிருக்கிறேன். உண்மையில் எனக்கு இப்படி இருப்பது வெட்கமாக இருக்கிறது” என்று வெட்கமில்லாமல் கூறிக்கொண்டிருக்கலாமா?

    அபூர்வசகோதரர்கள் படத்தில் நீங்கள் அறிமுகப்படுத்திய மயில்சாமியைப் பாருங்கள்…

    அவர் உங்களிடமிருந்து நடிப்பைக் கற்றுக் கொண்டிருக்கலாம்.

    நீங்கள் அவரிடமிருந்து மனிதத்தைக் கற்றுக்கொள்ளுங்கள் கமல்….

  5. Raaj says

    போய் வெள்ளத்துல பாதிக்கப்பட்டவங்கள காப்பாத்தாம.. பிரச்சனைய கெளப்பி விட்டுகிற்றுகான் இந்த கமல் பன்னாட..

  6. THANGA DURAI.B says

    கமல் நெசமாவே மென்டலா,,,,, அல்லது மென்டல் மாதிரி நடிகின்றாரா ? எப்படியோ ….. கமல் நல்ல மன நல மருத்துவரை அணுகுவது நல்லது .

  7. Veera Kumar says

    முட்டாள் கமல் மற்றும் மத்த முட்டாள்களே நீங்கள் கொடுக்கும் வரி சம்பளம் கூட போடமுடியாது. 125,000 கோடி கடன் 250,000 கோடி 5 வருடத்தில் ஆகி விட்டது என்றல் , வருடம் 30,000 கோடி கடன் வாங்க பட்டுள்ளது . அதில் இலவசம் கணணி , அரிசி , சைக்கிள், புத்தகம் எல்லாம் 10,000 கோடி கூட கிடையாது. வரி மற்றும் 20,000 கோடி சம்பளம் வேலைக்கு வந்தாலே கிடைக்கும். 7 வது சம்பள கமிஷன் வருகிறது . அப்பொழுது மாநில அரசாங்கம் வெளி நாட்டிலும் கடன் வாங்கலாம் என்று வரும் . அவ்வை ஷுன்முகி மதி சினிமா கதை திருவது போல் பணத்தை வெளி நாட்டில் இருந்து திருடமுடியது. டுங்க்வரை கழட்டி விடுவார்கள்.

Leave A Reply

Your email address will not be published.