சதியை முறியடித்த விஸ்வாசம்! பிரமாண்டம் ஸ்டார்ட்ஸ்!

2

அஜீத் படமா இருந்தாலும் இதுதான் நிலைமை! தன் பூதாகரமான கைகளால் எல்லாவரையும் வாரி வழித்துவிட்டு, தான் மட்டும் ஜெயிக்கணும் என்கிற வெறி கொண்டவர்கள் நிறைந்த பகுதியாகிவிட்டது கோடம்பாக்கத்தின் வியாபார ஏரியா. அஜீத் படத்திற்கே இந்த நிலைமையா என்கிற அச்சத்தையும் ஏற்படுத்தி வருகிறது சிலரின் செயல்பாடுகள்.

கடந்த இரண்டு மாதங்களாகவே ‘பொங்கலுக்கு ரிலீஸ்’ என்கிற டேக் லைனுடன் விஸ்வாசம் வெளியீட்டு தகவல்கள் வெளியாகிவிட்டன.

இது ஒருபுறமிருக்க சொன்ன தேதியை விட முன்னதாகவே படத்தை முடித்துவிட்டார் கார்த்திக் சுப்புராஜ். அப்பறமும் சும்மாயிருக்குமா பேட்ட? நாங்களும் பொங்கலுக்கு வர்றோம் என்று கிளம்பிவிட்டார்கள். ஒரே தண்டவாளத்தில் இரண்டு பெரிய ரயில்கள். ஊர் தாங்குமா, பேசன்ஜர்ஸ் கதி என்ன என்கிற கவலை ஏதுமில்லாமல், இரண்டு என்ஜின் டிரைவர்களும் ஆக்சிலேட்டரை அழுத்த ஆரம்பித்திருக்கிறார்கள். இதன் காரணமாக வியாபார ஏரியாவே களேபரம் ஆகிக்கிடக்கிறது.

‘10 ந் தேதி ஒருவரும், 14 ந் தேதி இன்னொருவரும் வாங்களேன்ப்பா’ என்று சமாதானப்படலம் ஒருபுறம் நடந்து வந்தாலும், பேட்ட-யின் கைகள் விஸ்வாசத்தின் குரல்வளையை நெறிக்க கிளம்பியிருப்பதாகவும் தகவல்கள் எழுகின்றன.

ஒரேயடியாக ‘விஸ்வாசம்’ ரிலீசை தள்ளி வைக்கவும் ஒரு நிர்பந்தம் கொடுக்கப்படுகிறதாம். ஆனால் அறிவித்த தேதியில் உறுதியாக இருக்கும் விஸ்வாசம், எவ்வித இடையூறுக்கும் செவி சாய்க்காமல் தன் விளம்பர வேலையை துவங்கிவிட்டது. சென்னையின் மையப்பகுதியான சத்யம் காம்பளக்ஸ் அருகில் வைக்கப்பட்டிருக்கும் பிரமாண்டமான விஸ்வாசம் பேனர், ‘யாரு குறுக்க வந்தாலும் செஞ்சிட்டு போயிட்டே இருப்போம்’ என்று சொல்லாமல் சொல்லி வருகிறது.

இதே தில்லோடு சொன்ன தேதியில் ரிலீஸ் செய்துவிட்டால் அஜீத் ரசிகர்களின் மனசு சாந்தமாகிவிடும்.

இல்னேன்னா?

2 Comments
  1. சேரன் says

    எந்த ரயிலுக்குடா ஆக்சிலேட்டர் இருக்கு ??? ஏண்டா பொய் சொன்னாலும் பொருந்த சொல்லுங்கடா !!!
    அது சரி …. வாங்கிய காசுக்கு மேல கூவினால் இப்படி தான் அவமானம் பட வேண்டி இருக்கும் !!!.
    எவனா இருந்தாலும் வெல்ல போவது சூப்பர் ஸ்டார் ரஜினி அவர்களின் நடிப்பில் தமிழ் புத்தாண்டு தினமான பொங்கல் அன்று வெளிவர இருக்கும் “பேட்ட” படம் தான் டா மாபெரும் வெற்றி படமாக இருக்கும். தலைவர் வெல்ல எவனும் பிறக்கவில்லை…..
    பேட்ட படம் தான் 2.௦ படத்தின் வசூல் சாதனைகளை முறியடிக்க போவுது…
    இன்று பேட்ட நாளை தமிழகத்தின் கோட்டை

  2. யேசுதாஸ் says

    சூப்பர் ஸ்டார் ரஜினி அவர்களின்பேட்ட படமும் பொங்கலுக்கு வரும் என்று அறிவிக்கப்பட்டு வியாபாரமே முடிந்துவிட்டது. . தியேட்டர் உரிமையாளர்களைப் பொறுத்தவரை ரஜினியின் பேட்ட படத்திற்கே முக்கியத்துவம் கொடுக்க விரும்புகிறார்கள்.

    இது தொடர்பாக சென்னை மாநகர திரையரங்க முக்கிய பிரமுகரும், பிரபல விநியோகஸ்தருமான அபிராமி ராமநாதனிடம் கேட்டபோது, ‘என்னதான் இளம் தலைமுறை நடிகர்கள் என்றாலும் அஜித், விஜய்யின் மார்க்கெட்டைவிட ரஜினியின் மார்க்கெட் பெரியதுதான். அதுவும் எந்த நடிகர் படம் வந்தாலும் ரஜினி படம் வரும் போது தியேட்டர்கள் கிடைப்பது உட்பட வசூல் ரீதியான பின்னடைவை பிற நடிகர்களின் படங்கள் சந்திக்கும் என்பதும் உண்மைதான் என்று தெரிவித்தார். மேலும் அவர் கூறுகையில், ‘ரஜினி படம் என்பது மற்றவர்களைவிட அதிக ஆடியன்ஸை கொண்ட படமாக இருப்பதால் லாபம் அதிகமாக கிடைக்கும். அதனால் எங்களுக்கு மட்டுமல்ல, சினிமா தொழிலுக்கும் நல்லது. எனவே ரஜினி படத்துக்கு முக்கியத்துவம் கிடைப்பதை தவிர்க்க முடியாது’ என்கிறார் அவர். இதில் பல தியேட்டர் அதிபர்கள் ஏற்கனவே அஜீத் படத்திற்காக ‘அட்வான்ஸ் புக்கிங்’ செய்திருந்தார்கள். தற்போது , பேட்ட படத்தால் கிடைக்கும் வருமானத்தை தவிர்க்க முடியாமலும் விழி பிதுங்குகிறார்கள். தியேட்டர் அதிபர்களே விஸ்வாசம் தள்ளிப் போவதை விரும்புவதாக வரும் தகவல்களை விஸ்வாசம் படக் குழு ஏற்குமா? அல்லது பொங்கலன்று ரிலீஸ் செய்து காட்டுவார்களா? என்பது போகப் போகத் தெரியும்.
    தலைவர் டா….. தமிழன் டா …….. ரஜினி டா……….

Leave A Reply

Your email address will not be published.