காவியின் தூதுவனா ரஜினி? பாரதிராஜா மீது ரசிகர்கள் ஆத்திரம்!

ஆரம்பத்திலிருந்தே இயக்குனர் பாரதிராஜா ரஜினியின் அரசியல் பிரவேசத்திற்கு எதிர்ப்பு தெரிவித்து வருகிறார். தமிழனை தமிழன்தான் ஆள வேண்டும். இவர் கன்னடர் என்கிற சீமானின் கருத்தை, கண்ணை மூடிக் கொண்டு ஆதரிக்கிறவர்களில் முதல் நபராக இருக்கிறார் பா.ரா.

இந்த நிலையில் அவர் ஒரு அறிக்கை வெளியிட்டிருக்கிறார். அதற்கு ரஜினி ரசிகர்கள் நாக்கை பிடுங்கிக் கொள்வதை போல கேள்வியும் கேட்டு வருகிறார்கள். முதலில் அவரது அறிக்கை. இந்த செய்தியின் கடைசியில் ரஜினி ரசிகர்களின் கேள்வி.

எது வன்முறையின் உச்சக்கட்டம் ரஜினி அவர்களே அறவழியில் போராடிய தமிழர்கள் உங்களுக்கு வன்முறையாளர்களா? தமிழர்கள் எல்லாம் ஒன்று சேர்ந்துவிட்டார்கள் என்ற காழ்ப்புணர்ச்சியில் பேசும் பேச்சு இது. தங்களுடைய திரைப்படம் வெளியாகும்போது மட்டும் பூச்சாண்டி காட்டும் உங்களை போன்ற நடிகரை தமிழ் திரையுலகம் இதுவரை கண்டதில்லை. தமிழர்கள் கொட்டி கொடுத்த பணத்தில் தமிழர்களின் வளர்ச்சிக்கு நீங்கள் என்ன செய்தீர்கள்?. இலங்கை தமிழர்கள் கொல்லப்பட்ட போதும் நியூட்ரினோ மற்றும் மீத்தேனுக்கு எதிராகவும் வாய் திறந்தீர்களா?

எதற்கும் வாய் திறக்காத நீங்கள் தற்போது தமிழர்கள் ஒன்றிணைந்ததும் இதனை ஆரம்பத்திலேயே கிள்ளி எறிய வேண்டும் என்கிறீர்களே. இப்போதுதான் பட்டவர்த்தனமாக தெரிகிறது நீங்கள் தமிழன் அல்லாத கர்நாடகா காவியின் தூதுவன் என்று. உங்கள் வேஷம் மெல்ல கலைகிறது. காவிரி பிரச்னை பற்றி எரிந்த போது சேதமடைந்தது எங்கள் தமிழர்கள்தான். அங்குள்ள கலைஞர்கள் எல்லாம் ஒன்றுகூடி எதிர்க்குரல் கொடுத்தபோது வாய் திறக்காத நீங்கள் தமிழகத்தில் இருந்து கொண்டு எங்களை வன்முறையாளர்கள் என பட்டம் சுமத்துகிறீர்கள். எங்களுக்குள் நீங்கள் சிண்டு முடிய வேண்டாம். பேசும்போது எதை பேசுகிறோம் என உணர்ந்து பேசுங்கள் இல்லையெனில் தமிழ் மக்களால் நீங்கள் ஓரங்கட்டப்படுவீர்கள். அந்த நாள் வெகுதூரத்தில் இல்லை

ரைட்… பாரதிராஜாவின் அறிக்கையை படித்துவிட்டீர்களா? இதற்கு ரஜினி ரசிகர்களின் ரியாக்ஷன் கீழே-

16 வயதினிலே உள்ளிட்ட பல படங்களை தமிழ்நாட்டில் மட்டுமே ரிலிஸ் செய்திருக்கலாமே பாரதிராஜா அவர்களே , உங்கள் படத்திற்கு வருமானம் கிடைத்தபோது கர்நாடகா பகையாக தெரியவில்லை அப்படிதானே…

IPL கொண்டாட்டம் கூடாது என்றீர்கள் , நேற்று விஜயகாந்த் சினிமாவில் 40 வது ஆண்டுவிழா கொண்டாடினார்களே , வீரமாக பேசிய சத்தியராஜ் கூட கலந்துகொண்டாரே , அதை ஏன் எதிர்க்கவில்லை…

தங்களின் மருமகள் யார்? உங்கள் குடும்பமே ஒரு இனமாக இல்லாத போது , அவரை இவ்வளவு இனம் பார்த்து பேசியுள்ளீரே , முதலில் உங்கள் மகனை விவகாரத்து செய்ய சொல்லுங்கள் பார்க்கலாம் .

பீல்டு அவுட் ஆனவுடன் இதே கன்னடரிடம் சென்று கெஞ்சி ஒரு பட வாய்ப்பு வாங்கும்போது தெரியவில்லையா , இல்லை அந்த படத்திற்கு அம்சலேகா என்கிற கன்னடரை இசையமைப்பாளராக போட்டபோது தெரியவில்லையா

கடந்த வருடம் பாரதிராஜா சினிமா இன்ஸ்டியுட் தொடங்கியபோது , ரஜினியுடன் செல்ஃபி எடுத்து பல்லிளித்தபோது தெரியவில்லையா ரஜினி கர்நாடகா என்று…

வீர வசனமெல்லாம் பிறகு பேசலாம் , முதலில் உங்களால் தூண்டப்பட்ட IPL போராட்டத்தால் சிறையில் இருக்கும் இளைஞர்களை பற்றி ஒரு வார்த்தை பேசவில்லை , சீமான் தனியாக புலம்பிக்கொண்டு இருக்கிறார் , ஆனாலும் இப்படி சந்தர்ப்பவாதியாக இருக்காதீர்கள்…

இனி பாரதிராஜா என்கிற இயக்குநருக்கு மட்டுமே மரியாதை , இன துவேசம் செய்யும் , ஜாதி வெறி பிடித்த இந்த மனிதருக்கு அல்ல…

உங்களால் வாங்குன காசுக்கு எவ்ளோ அறிக்கை விட முடியுமோ விடுங்க பாத்துக்கலாம்..