ஒரு காலத்தில் ஹீரோ மெட்டீரியலாக இருந்த லிவிங்ஸ்டன், பல்வேறு ஷேப்புகளுக்கும் ஷேக்குகளுக்கும் ஆளாகி இன்று காமெடி நடிகர் ஆகிவிட்டார். நிஜத்தில் அவர் பாரதிராஜாவிடம் உதவி இயக்குனராக இருந்தவர். நடிப்பிலும் சொதப்பி, இயக்கத்திலும் வழுக்கி எப்படியோ போகிறது அவர் பிழைப்பு என்றாலும், அதிர்ஷ்ட லட்சுமி அஷ்டலட்சுமியாக வந்து அவர் வீட்டு கதவை தட்டிவிட்டாள். எப்படி?
லிவிங்ஸ்டனுக்கு ஒரு அழகான மகள் இருக்கிறார். எங்கோ ஒரு விழாவில் அவரை பார்த்தா இயக்குனர் பாரதிராஜா, ஞாபகமாக அவருக்கு அழைப்பு விடுத்திருக்கிறார். அவர் இயக்கிக் கொண்டிருக்கும் அலைகள் ஓய்வதில்லை பார்ட் 2 வில் லிவிங்ஸ்டனின் வாரிசுதான் ஹீரோயின். இந்த படத்தில் இயக்குனர் வசந்தின் மகன் ஹீரோவாக நடிக்கிறார் என்பதுதான் ஏற்கனவே தெரிந்த விஷயமாயிற்றே?
எந்த ஹீரோயினாக இருந்தாலும், அவர்கள் வீட்டில் வெண்ணிலா, கோகிலா என்று பெயர் வைத்திருந்தாலும், தன் படத்தில் அறிமுகப்படுத்தும் போது ஆர் என்ற ஆங்கில எழுத்தில் ஆரம்பிப்பது போலவே அவர்களுக்கு பெயர் வைப்பார் பாரதிராஜா. அந்த சென்ட்டிமென்ட்டை இந்த படத்திலும் விடாமல் தொடரப் போகிறாராம்.
குழந்தைக்கு என்ன பெயர் வாய்ச்சுருக்கோ?