கந்து வட்டி, கடப்பாரை வட்டி, மீட்டர் வட்டி, என்று வட்டியிலேயே வகை வகையாக கல்லா கட்டுது கோடம்பாக்கம். இங்குதான் செட்டப், கெட்டப் விவகாரங்களிலும் இது போல விதவிதமான பார்முலாக்களை கண்டுபிடித்திருக்கிறார்கள் மிஸ் கோடம்பாக்கம்கள். இந்தியாவை வளர்ச்சிப் பாதையை நோக்கி வண்டி கட்டியாவது இழுத்துச் செல்வோம் என்கிற அவர்களின் தொழில் பக்தி, குனிஞ்சு ஒரு கும்பிடு போட்டு கொண்டாட வேண்டிய சமாச்சாரம்தான். ஆனாலும் சம்பந்தப்பட்ட இயக்குனரின் மனநிலையை அறிந்தால்தான் குய்யோ முய்யோ என்று குமுற வேண்டியிருக்கிறது.
இந்திய சினிமாவிலேயே இப்படியொரு விஷயம் நடந்திருக்குமா தெரியாது. சிரிச்சாலும் தீராத, முறைச்சாலும் நோகாத அட்றா சக்க மேட்டர்தான் இது! நந்தா நடிக்கும் வில்லங்கம் என்ற படத்தில் நடித்த துணை நடிகை ஒருவர் சில பல நாட்கள் வந்து நடித்தாராம். செக்கச் செவேர் நிறம். சிரித்தால் முறைத்தால் சிதறி விழும் எக்ஸ்பிரஷன்கள் என்று ஆன்ட்டியாக இருந்தாலும், அத்தனை பேரையும் போண்டியாக்குகிற அளவுக்கு அழகு. அவருக்கும் ஒரு அக்ரிமென்ட் கணக்கு இருந்ததாம். அதாவது நாடாறு மாதம் காடாறு மாதம் போல, நாலு மாசம் அக்ரிமென்ட்டில் ஒருவருடன் வாழ்வது. வேணும்னா அடுத்த நாலு மாசத்துக்கு அக்ரிமென்ட்டை புதுப்பிக்கலாம். இல்லேன்னா கேன்சல் பண்ணிவிட்டு என்.ஓ.சி கொடுத்துவிடலாம். இப்படியொரு அக்ரிமென்ட்டில் வெளிநாட்டுக்கு ஒரு செல்வந்தருடன் பறந்துவிட்டாராம். அதுவும் டைரக்டரிடம் சொல்லாமல் கொள்ளாமல்.
அவர் சம்பந்தப்பட்ட காட்சிகள் எல்லாம் பாதியில் நிற்க, தேடாத இடமில்லை. வேண்டாத தெய்வமில்லை டைரக்டர். எல்லா காட்சிகளும் மளமவென போய் கொண்டிருக்க, இவர் சம்பந்தப்பட்ட மிச்சசொச்ச காட்சிகள் மட்டும் பெண்டிங். இரண்டு மாதங்களாக தொடர்ந்த இந்த இழுபறியை முடிவுக்கு கொண்டு வர நினைத்த டைரக்டர் கோர்ட்டுக்கு போய்விட்டாராம். சம்பந்தப்பட்ட பெண்மணி மீது ஆட்கொணர்வு மனு போட்டுவிட்டார். வேறு வழி?
எங்கோ பாடி பறந்து கொண்டிருந்த குயிலை பிடித்து இழுத்துக் கொண்டு வந்தார்களாம் அதற்கப்புறம். “மளமளன்னு எடுத்துகிட்டு என்னைய அனுப்பி வைங்க. இல்லேன்னா படத்துக்கு ஆன மொத்த செலவையும் அவர விட்டே கொடுக்க சொல்றேன். வாங்கிகிட்டு என்னைய விட்ருங்க” என்றாராம் அந்த திடீர் தீக்குச்சி!
அப்புறம்? பிடிச்சு வச்ச மின்னலை பக்குவமா நடிக்க வச்சு பதமா அனுப்பி வைச்சாராம் டைரக்டர்.
ஒலகம் எங்கேயோ போயிட்டு இருக்குங்ணா!