தெருவுக்கு நாலு பசங்களாவது தனுஷ் முக ஜாடையில் இருப்பார்கள். ஒல்லியா, துறுதுறுன்னு, கருப்பா யார் இருந்தாலும், “தம்பி தனுஷ் மாதிரி இருக்காப்ல” என்று போகிற போக்கில் லுக் விட்டுவிட்டு போகும் பலரும், அதே தனுஷ் மீது அப்படியொரு பிரச்சனை பாய்ந்தபோது பெரிதாக அலட்டிக் கொள்ளவில்லை. “ அந்த பெருசுங்க பாவம்.. புள்ளைய தொலைச்சுட்டு அதே ஜாடையில் இருக்கிற இவரை புடிச்சுகிட்டு விட மாட்டேங்குதுங்க…” என்றார்கள்.
இருந்தாலும் இந்தியாவில் சந்துக்கு சந்து நுழைந்து நீதியை விழுந்து விழுந்து நிலைநாட்டிக் கொண்டிருக்கும் சட்டமும், அதன் தூதர்களும், வாப்பா தம்பி மதுரை கோர்ட்டுக்கு என்று தனுஷை இழுக்க, அதற்கப்புறம் வந்த தகவல்களில் அநியாயத்துக்கு திரைக்கதை வசனமும் திடீர் திடுக்கிடல் திருப்பங்களும் நிகழ்ந்ததை நாடே அறியும்.
மச்சத்தை லேசர் கருவியால் அழித்தார். மூக்கை ஆபரேஷன் பண்ணி முப்பது டிகிரி மேல் நோக்கித் திருப்பிக் கொண்டார். ஒரு காதுல இருந்த ஓட்டையை மட்டும் புளியை வைத்து அடைத்தார். இப்படியாக வரிசை கட்டிய பொய்களை கண்டு நிஜமாகவே மிரண்ட தனுஷ், “பேசாம நாம நடிக்கிற ஒரு படத்துக்கு இவனுங்களை திரைக்கதை எழுத வச்சா நல்லாயிருக்குமே?” என்கிற அளவுக்கு திகில் ஆனார். பட்… எல்லாம் கொஞ்ச நாளைக்குதானே?
தனுஷ் என் பிள்ளைதான் என்று உரிமை கொண்டாடிய கதிரேசன் மீனாள் தம்பதியின் ஒரிஜனல் மகன் கலையரசன் கிடைத்தே விட்டான். தனுஷ் குறித்த எல்லா தகவல்களையும் செய்தி தாள்கள் மூலமாகவும் தொலைக்காட்சி மூலமாகவும் அறிந்து கொண்ட அந்த வாலிபன், தான் எப்படி ஆஸ்டலை விட்டு ஓடினேன். ஓடும்போது எழுதி வைத்துவிட்டுப் போனது என்ன? தான்தான் கதிரேசன் தம்பதியின் மகன் என்பதற்கு ஆதாரம் என்ன? என்பது பற்றியெல்லாம் விஷன் டெலிவிஷன் என்ற நிறுவனத்தை தொடர்பு கொண்டு கூறியிருக்கிறார். தற்போது ஆட்டோ ஓட்டி வருகிறாராம் கலையரசன்.
இந்த தகவல் சென்னையிலிருக்கும் தனுஷ் காதுக்கு வந்ததும், “அப்பாடா நிம்மதி” என்று கூறினாராம் அவர். இருந்தாலும், மாதந்தோறும் 60 ஆயிரம் ரூபாய் ஜீவனாம்சம் வேண்டும் என்று நீதிமன்றத்தின் மூலமாக தனுஷிடம் கோரிக்கை வைத்திருக்கும் தம்பதி, அந்த ஒரிஜனல் தனுஷை “உள்ளே வாப்பா…” என்று அழைக்குமா? இல்ல… வேற மாதிரி வழக்கை டிசைன் பண்ணுமா?
தனுஷ் படத்திலேயே பெரிய எதிர்பார்ப்பை ஏற்படுத்தவிருக்கும் ஒரே கிளைமாக்ஸ் இதுதான் மக்களே…
https://www.youtube.com/watch?v=TVALxZGOM1E&feature=youtu.be