சந்தானத்திற்கும் உதயநிதிக்கும் இருக்கிற பிரண்ட்ஷிப் ஊரறிந்த விஷயம்தான். ‘சந்தானம் என் படத்துல இல்லேன்னா நான் நடிக்கறதை பற்றியே யோசிக்கணும்’ என்று சொல்லுகிற அளவுக்கு மூழ்காத பிரண்ட்ஷிப் அவர்களுக்குள். விரைவில் உதயநிதி வேறொரு காமெடி நடிகருடன் டிராவல் பண்ண வேண்டிய சூழ்நிலை வந்திருக்கிறது. அது கூட சந்தானம் சொல்லிதான்! நம்ம ரெண்டு பேர் காம்பினேஷன் ஜனங்களுக்கு போரடிச்சுரக் கூடாது. கொஞ்சம் இடைவெளி விட்டு மீண்டும் சேர்ந்து நடிப்போம் என்று அட்வைஸ் கொடுத்தாராம். உடனடியாக ஒப்புக் கொண்டிருக்கிறார் உதயநிதி. ஏன் இப்போது இருவரது பிரண்ட்ஷிப் பற்றிய வரலாறு?
எல்லாம் இந்த செய்திக்கு தேவையான முகாந்திரம்தான். சந்தானம் ஹீரோவாக நடித்து தயாரித்திருக்கும் இனிமே இப்படிதான் படத்தை உலகமெங்கும் வெளியிடுகிற பொறுப்பை ஏற்றுக் கொண்டிருக்கிறது உதயநிதியின் ரெட் ஜயன்ட் மூவிஸ் நிறுவனம். ‘படம் எடுக்கறது பெரிசு இல்ல. அதை மார்க்கெட்டிங் பண்றதுதான் பெருசு’ என்று இந்த படத்தின் பத்திரிகையாளர் சந்திப்பில் கூறியிருந்தார் சந்தானம். அப்போது, ஏன் உங்க படத்தை உதயநிதியின் ரெட் ஜயன்ட் ரிலீஸ் பண்ணல என்று கூட கேள்வி எழுப்பப்பட்டது. அர்த்தத்தோடு புன்னகைத்தார் சந்தானம்.
அந்த சிரிப்புக்கு இன்றுதான் வெளிப்படையாக விடை தெரிந்தது. வருகிற 12 ந் தேதி படத்தை ரெட்ஜயண்ட் வெளியிடுவதால், ஹாயாக இருக்கிறார் சந்தானம். ஒண்ணுக்குள்ள ஒண்ணுன்னு ஆன பின்னாடி இது கூட செய்யலேன்னா எ…..ப்பூடி?