நள்ளிரவு அலட்டல் இல்லை! நாகரீகமான முறையில் அறிவிக்கப்பட்ட ரஜினி பட டைட்டில்!

இரண்டரை மணி நேரம் ரசிக்க ரசிக்க படம் எடுக்கிற பல இயக்குனர்கள், அவரவர் படத்திற்கு தலைப்பு வைக்க வேண்டும் என்றால் மட்டும், யானை கொட்டாவி விட்ட கதையாக ஆவென்று வாயை பிளக்கிறார்கள். படம் முடிந்து தியேட்டருக்கு வருகிற நாள் வரைக்கும் அஜீத் 90, விஜய் 124 என்று குறிப்பிட்டே விளம்பரம் கொடுக்கிறார்கள். தலைப்பை சொல்லிவிட்டால் ‘பெப்’ போய் விடுமாம். இந்த கொடுமையை கூட பொறுத்துக் கொள்ளலாம். அந்த தலைப்பையும் ஊர் அடங்கி, நரி ஊளையிடுகிற நள்ளிரவில்தான் வெளியிடுவார்கள்.

கொட்ட கொட்ட முழித்திருந்து தங்கள் தலைவனின் படத் தலைப்பை கேட்பதற்கு ஆர்முள்ள ரசிகர்கள், அந்த இரவு நேரத்தில் பட்டாசுகளை போட்டு, வயதானவர்களை வானுலகம் அனுப்பி வைப்பதெல்லாம் கொடூரத்திலும் கொடூரம். இந்த அலட்டல் புரட்டல்கள் எதுவுமில்லாமல், நாகரீகமான முறையில் ரஜினியின் 164 வது படத் தலைப்பை அறிவித்திருக்கிறார் அப்படத்தின் தயாரிப்பாளர் தனுஷ்.

‘காலா’ என்று பெயர் வைத்திருக்கிறார்கள் இந்த புதிய படத்திற்கு. சப் டைட்டிலாக கரிகாலன் என்ற வார்த்தையும் சேர்க்கப்பட்டுள்ளது. இதற்கப்புறம் அந்த தலைப்பை வைத்துக் கொண்டு அது என்ன மாதிரியான கதையாக இருக்கும் என்று அலசுவதுதானே மீடியாவின் வேலை?

பொதுவாகவே கரிகால் சோழன் நீதிக்கும் நேர்மைக்கும் பேர் போனவன் என்கிறது வரலாறு. அவன் பாலகனாக இருந்த நேரத்திலேயே முதியவர் வேடம் போட்டு நீதி சொல்லியதாக ஒரு கதையும் உண்டு இங்கே. ஒருவேளை படத்தில் ரஜினிகாந்த் ஜெயலலிதாவுக்கே சிறைவாசம் கொடுத்த நீதிபதி குன்ஹாவாக நடிக்கிறாரோ என்னவோ?

கொளுத்தி போடுவோம். பத்துனாலும் பத்தும்!

Read previous post:
Sangli Bungli Team Angry With Bahubali.

https://youtu.be/B0a7HUakDZY

Close