குடி, குடிகாரர்களை கெடுக்கிறதோ இல்லையோ? சில நடிகைகளின் நிம்மதியை கெடுத்துவிடுகிறது. படத்தில் சரக்கடிப்பது போல காட்சிகளை முன்பெல்லாம் ஹீரோக்களுக்கும் காமெடியன்களுக்கும் வைத்த இயக்குனர்கள், கொஞ்சம் கூட பாவம் பார்க்காமல் ஹீரோயின்களுக்கும் வைக்கத் தொடங்கிவிட்டார்கள். அப்புறமென்ன? கிழிஞ்சுது இமேஜ்! ப்ரியா ஆனந்த் ஒரு படத்தில் சரக்கடிப்பதை போல நடித்திருந்தார். அப்போதிலிருந்தே அவரை விரட்டி வருகிறது அந்த கேள்வி.
‘உங்களுக்கு பிடிச்ச சரக்கு என்னங்க?’ ஐயோ… எனக்கு அந்த பழக்கமே இல்லை என்று அவர் ரத்த சாம்பிள் எடுத்து ஊர் ஊராக அனுப்பாத குறைதான். இப்போது அதே போலொரு அவஸ்தை காஜல் அகர்வாலுக்கும் வந்திருக்கிறது. ஒரு தெலுங்கு படத்தில் இவர் சரக்கடிப்பதை போல ஒரு காட்சியை வைத்திருந்தார் இயக்குனர். அவ்வளவுதான். அவர் போகிற இடத்திலெல்லாம் போதை கேள்விகளாகவே போட்டுத் தாக்குகிறார்களாம் ரசிகர்கள்.
சிவாஜி குடிச்சுட்டு ரத்த வாந்தி எடுக்கலாம். வாணிஸ்ரீங்கள்லாம் வம்புல மாட்டக் கூடாதான்னு பலத்த குரல் எழுப்புது வலையுலகம். கிண்டலு…? ம்!
