இவருக்கெல்லாம் படம் கிடைக்கறதே பெரிசு. இதுல இது வேறயா? என்று யாராவது கமென்ட் அடிக்காமல் போனால், அவர்கள் சினிமா வியாபாரம் தெரியாத ஜீரோக்களாகதான் இருப்பார்கள். தமிழ்ப்படம், கலகலப்பு தவிர மிர்ச்சி சிவா நடித்த படங்கள் எல்லாம் ஒட்டிய போஸ்டர் காசுக்கே தவிடு தின்றது நாடறிந்த கதை. அப்படியிருந்தும், ஒன்றிரண்டு வாய்ப்புகள் அவரைத் தேடிப் போகிறது என்றால், அது சிவன் பிரம்மா போட்ட ஸ்பெஷல் பொட்டலம்!
இந்த உண்மை புரியாமல் அவர் பண்ணும் சேட்டை, ஓட்டை பிரித்துக் கொண்டு உள்ளே இறங்கி இம்சிக்கும் போலிருக்கிறது. என்னவாம்? அட்றா மச்சான் விசிலு என்ற படத்தில் அவர்தான் ஹீரோ. வெவரம் புரிஞ்சது போல ஊரெல்லாம் பேசும் லிங்கா புகழ் சிங்காரவேலனின் தயாரிப்பு இது. அவரே இவருக்கு ஐம்பது லட்சம் சம்பளம் தருவதாக ஒப்பந்தம் செய்தாராம். முப்பது லட்சத்தை முழுசாக கொடுத்துவிட்டார்கள். ஒரு வழியாக மிர்ச்சி சிவா போர்ஷனையும் முடித்துவிட்டார்கள். இங்குதான் வந்தது பிரச்சனை. டப்பிங் பேச அழைத்தால், “என் சம்பளத்தை முழுசா எண்ணி வைங்க. அதற்கப்புறம் வர்றேன்” என்றாராம்.
எப்படியோ பேசி புரிய வைத்து மேலும் பத்து லட்சத்தை கொடுத்திருக்கிறார்கள். பாதி படம் வரைக்கும் டப்பிங் பேசியவர், இப்போது “இன்னும் பத்தை எண்ணி வைங்க. இல்லேன்னா நடையை கட்டுங்க” என்கிறாராம். “ஏன்ங்க… அந்த பையனுக்கு யாருங்க ஐம்பது லட்சம் சம்பளம் பேசச் சொன்னது?” என்று சலுகை கேட்க போன இடத்திலெல்லாம் அழுகை வர்ற அளவுக்கு வெறுப்பேற்றுகிறார்களாம் சிங்காரவேலனை.
தேன் எடுக்குறேன்னு கைய விட்டுட்டு, இப்ப புறங்கையில கடி வாங்கிட்டமேன்னு கவலைப்படுகிறாராம் சிங்காராவேலன். மிளகாய் சிவா இப்படி மிரட்றாரே…ப்பா!
Ithu romba over Anthanan sir….pinne ethukku avarukku muthalil 50 latsham sampalam pesanum? Agreement padi pesuna sampalathai ketta thappa?
Aduthu avar nadithu nalla odiya veru sila padangal…..Chennai28, Tamil Padam, Thillu Mullu, Vanakkam Chennai…ithellam super hit illavittalum producer kaiyai kadikkaatha padangal. Ungelukku ithu theriyaamala irukkum? Orutharai mattam thattanumna ethai vanumnalum sollalam, appadi thane.