சொசைட்டியில் டாப்பில் இருக்கும் ஹீரோ, ஹீரோயின்களை கண்டால், ஒரு ரசிகராகவே உருமாறி அவர்களுடன் செல்பி எடுத்து அதை உடனுக்குடன் வாட்ஸ் ஆப்பில் பதிவு செய்து புளகாங்கிதப்படுவதில் டாப் ஒன்னாக இருக்கிறார் இசைமைப்பாளர் சந்தோஷ் நாராயணன். அடுக்கடுக்காக அவர் போட்டுத் தள்ளும் போட்டோக்கள், எங்கிருந்தோ ஏங்கும் ரசிகர்களுக்கு மேலும் ஏக்கத்தை உண்டு பண்ணி வருகிறது. நேற்று விஜய் பிறந்த நாள் அல்லவா? அவர் சென்னையில் இருக்கிறாரா, வெளிநாட்டுக்கு பறந்துவிட்டாரா என்ற குழப்பம் அவரது ரசிகர்களுக்கு ஏற்பட்டது.
அந்த நேரத்தில் குட்டையை குழப்பினாலும் கும்மிருட்டை வெளிச்சமாக்கினார் சந்தோஷ் நாராயணன். அவரது பிறந்த நாளன்று விஜய்யை குடும்பத்துடன் சந்தித்து போட்டோ எடுத்துக் கொண்டிருந்தாரல்லவா? அந்த போட்டோவை வெளியிட்டு விட்டார். அவ்வளவுதான்… விஜய் பிறந்த நாளில் அவரை முதலில் வாழ்த்திய பெருமகன் இவர்தான் என்று நம்பிய கூட்டம், சந்தோஷ் நாராயணனுக்கு போன் பண்ணி வாழ்த்துக்களை சொல்ல குவிந்துவிட்டது. நல்ல நேரத்திலேயே தொடர்பு எல்லைக்கு அப்பால் இருக்கும் இவர், இது ஏதுடா வம்பா போச்சு என்று செல்லையும் சொல்லையும் ஒரே நேரத்தில் ஆஃப் பண்ணிவிட்டு அமைதியாகிவிட்டார்-
விஜய் பிறந்த நாள் போட்டோ என்று அது இணையங்களில் சுற்றி சுற்றி வந்தது. அதை நம்பி விஜய் சென்னையில்தான் இருக்கிறார் என்று அவர் வீட்டுக்கு படையெடுத்த கூட்டத்திற்கு ஒரு பெப்பர்மென்ட் கூட கிட்டவில்லை என்பதுதான் சோகம்.
பின்குறிப்பு- விஜய்யின் ஒவ்வொரு பிறந்த நாளன்றும் அவர் பிறந்த எழும்பூர் குழந்தைகள் நல மருத்துமனையில் அன்று பிறக்கும் குழந்தைகளுக்கு விஜய் சார்பாக மோதிரம் அணிவிப்பார்கள் அல்லவா? அந்த சடங்கும் கட். (ஒருவேளை தங்கம் விலை ஏறினது காரணமா இருக்குமோ?)
