டைரக்டரை அழவிட்ட தமிழ்ராக்கர்ஸ்! இன்னும் எத்தனை பேரைடா கொல்லப்போறீங்க?

மாரீசன் இயக்கத்தில் ‘சங்கு சக்கரம்’ என்ற படம் தயாராகி வருகிறது. இப்படத்தின் பாடல் வெளியீட்டு விழா சென்னையில் நடந்தது. இங்குதான் தனது மன அழுத்தத்தை இறக்கி வைக்க முடியாமல் நா தழுதழுத்தார் ‘சென்னை டூ சிங்கப்பூர்’ படத்தின் இயக்குனர் அபாஸ் அக்பர்.

வெளியான தினமே தமிழ்ராக்கர்ஸ் திருட்டு இணையதளத்தில் படம் வந்துவிட்டது. அதிர்ச்சியடைந்த அபாஸ், “இந்தப்படத்துக்காக ஆறு வருஷமா உழைச்சுருக்கேன். எட்டு கோடி ரூபாய் இன்வெஸ்ட் பண்ணியிருக்கோம். அதை திரும்ப மீட்கணும்னா ஒரு மாத காலம் ஆகும். அதனால் தயவு பண்ணி ஒரு மாசம் கழிச்சு படத்தை உங்க தளத்துல வெளியிட்டுக்கங்க. ப்ளீஸ்” என்று கையெடுத்து கும்பிட்டார். இதையடுத்து தமிழ்ராக்கர்ஸ் இணையதளத்திலிருந்து படம் நீக்கப்பட்டது. ஆனால் அடுத்த ஒரு மணி நேரத்திலேயே அந்தப்படம் மீண்டும் வெளியிடப்பட்டது.

இதில் பயங்கர வேதைனைக்கு ஆளானார் அபாஸ். இந்த விழாவில் ஸ்பெஷல் கெஸ்ட்டாக அழைக்கப்பட்டிருந்தார். மைக்கை பிடித்தவர், அப்படியே நிலைகுலைந்து போனது பரிதாபத்திலும் பரிதாபம். “பெரிய நம்பிக்கையோடு சினிமாவுக்கு வர்றோம். எங்களோட இத்தனை வருஷ உழைப்பு, அர்ப்பணிப்பு எல்லாமே போச்சு. என்ன பண்றதுன்னே புரியல” என்று அப்படியே சில வினாடிகள் மவுனமாக இருந்தவர், கண்கலங்க மேடையை விட்டு இறங்கி அப்படியே அரங்கத்தை விட்டே வெளியேறினார்.

இன்னும் எத்தனை பேரின் வாழ்வையடா சூறையாடப் போறீங்க?

அபாயக் குறிப்பு- இன்று வெளியாகியிருக்கும் வேலைக்காரன், சக்கப்போடு போடுராஜா படம் இரண்டையும் இன்றே வெளியிடுவதாக விளம்பரப்படுத்தி இருக்கிறதாம் தமிழ்ராக்கர்ஸ். உன் தலையில் இடி விழ…