தினந்தோறும் நாளிதழ்களில் விட்டுப் போக முடியாத செய்தியாகிவிட்டது இணையதள க்ரைம்கள்! “வருங்காலத்தில் பேஸ்புக் திருமணங்கள் நிறைய நடக்கும். பேஸ்புக் விவகாரத்துகளும் நிறைய நடக்கும்” என்றார் கவிப்பேரரசு வைரமுத்து. இப்படி இணையதளம் என்கிற கூர் வாளை நெஞ்சில் சுமந்து கொண்டே அலைகிற இளையத் தலைமுறைக்கு, ‘இதுதான்டா இன்டர்நெட் கிரைம்’ என்று சுட்டிக்காட்ட வருகிறது ஒரு படம். அப்படத்தின் பெயரே ‘இணையதளம்’ என்று வைக்கப்பட்டிருக்கிறது!
கோவையை சேர்ந்த சங்கர், சுரேஷ் என்ற நண்பர்கள் இருவர் இணைந்து தயாரித்து இயக்கியிருக்கும் இப்படத்தில் கணேஷ் வெங்கட்ராம், ஸ்வேதா மேனன், ஈரோடு மகேஷ் உள்ளிட்ட பலர் நடித்திருக்கிறார்கள். இன்டர்நெட் க்ரைம் பற்றி அலசி ஆராய்ந்திருக்கும் இவ்விருவரும், நெட் நல்லதா, கெட்டதா என்ற விஷயத்திற்குள் மட்டும் போகவில்லை.
ஒரு விஷயத்தின் ஆதி அந்தம் பற்றி அலசியிருக்கோம். அது நல்லதா, கெட்டதா என்பதை இளைஞர்கள் முடிவுக்கே விட்டுவிட்டோம் என்கிறார்கள் இயக்குனர்கள் இருவரும்.
ஓங்குதாங்கான உயரம், கட்டுமஸ்தான கட்ஸ் என்று டிபார்ட்மென்ட் கம்பீரத்திற்கென்றே தயாரிக்கப்பட்டவர்கள் போல காணப்படும் கணேஷ் வெங்கட்ராமுக்கு இந்தப்படம் வந்தால், அரவிந்த்சாமிக்கு திடீர் லிப்ட் கிடைத்ததே… அப்படி கிடைக்கக்கூடும் என்கிறார்கள் இணையதளம் படம் சம்பந்தப்பட்ட சிலர்.
நமக்கு ஸ்வேதாமேனன் இருக்காங்க. அவங்க கட்டு மஸ்தா இருந்தா… அதுவே போதும்!
