அடுத்தவர்களை வச்சு செய்வதற்காகவே மேடைகள் அமைத்துக் கொடுப்பார்கள் போலிருக்கிறது. சில தினங்களுக்கு முன் ‘ஏகாந்தம்’ என்ற படத்தின் இசை வெளியீட்டு விழா நடந்தது. தயாரிப்பாளர் சங்கத்தின் முக்கிய புள்ளிகள் சிலர் வந்திருந்தார்கள். அங்குதான் சிறப்பு அழைப்பாளரான கே.ராஜன், சக தயாரிப்பாளரான ஞானவேல்ராஜாவை வச்சு செய்தார். ‘இருட்டறையில் முரட்டுக்குத்து, ஹரஹர மகாதேவகி’ போன்ற படங்களை எடுப்பதற்கு பதிலாக வேறு வேலை செய்யலாம் என்றெல்லாம் அவர் கத்தி வீச… வந்திருந்த மற்றவர்களுக்கு தர்ம சங்கடம். பட்…. ‘ஏகாந்தம்’ பட விழா தமிழ் கலாச்சாரத்தின் இன்னொரு வடிவமாக இருந்ததுதான் இந்த வசவுக்கெல்லாம் காரணம்.
கரகாட்டம், ஒயிலாட்டம், மயிலாட்டம், பாரம்பரிய உணவு என்று அசத்திவிட்டார்கள் அசத்தி.
ஆர்செல் ஆறுமுகம் இயக்கத்தில் விவாந்த், நீரஜா காதல் ஜோடிகளாக நடிக்கும் படம் இது. படத்திலும் சிலம்ப சண்டைக்கு முக்கியத்துவம் கொடுத்திருப்பதாக தெரிகிறது. ட்ரெய்லர் மற்றும் பாடல் காட்சிகளில் பட்டாசாக பொறிந்த ஹீரோயின் நீரஜா ஒரு ரவுண்டு வரக்கூடும். கிராமத்துக்குரிய டபுள் மீனிங் காதல் டயலாக்குகளுக்கும் பஞ்சமில்லை. வில்லேஜ் படங்களுக்கு இளசுகள் வர வேண்டும் என்பதற்காக வைத்திருக்கிறார்களோ என்னவோ? இருந்தாலும், ‘வேற ஏதாவது பார்க்கணுமா?’ என்று அர்த்தத்தோடு நீரஜா பேசுகிற காட்சியை அரை கண்ணை மூடிக் கொண்டு ரசிப்பார்கள் இளம்பெண்கள்.
சுமார் ஏழு பேர் தயாரித்திருக்கிறார்கள். விரைவில் திரைக்கு வரப்போகும் ‘ஏகாந்தம்’ படத்தை க்யூ சினிமா சார்பில் அசோக் ரங்கநாதன் வெளியிடவிருக்கிறார்.
தியேட்டர்களில் கிடா வெட்டி பொங்கல் வைப்பார்கள் போலிருக்கிறது!
தலைவா, எப்பயிருந்து வண்ணத்திரை ஆன….,