இரவு முழுவதும் பறந்து கொண்டேயிருந்த ஹீரோயின்! மிஷ்கின் வியப்பு

மிஷ்கின் தற்போது ‘ பிசாசு’ என்ற படத்தை இயக்குகிறார். இயக்குனர் பாலாவின் B ஸ்டூடியோஸ் தயாரிக்கும் ‘பிசாசு’ படத்தின் பகுதிகள் பெருமளவு முடிந்து விட்டது.இந்த படத்தை பற்றி இயக்குனர் மிஷ்கின் கூறும் போது ‘நீண்ட நாட்களாகவே எனக்கு ஒரு horror படம் இயக்க வேண்டும் என்று விருப்பம்.ரசிகர்களை வெறுமென பயமுறுத்துவது மட்டுமே ‘horror ‘ படம் அல்ல என்பது என்னுடைய கருத்து.

பிசாசு பயமுறுத்தும் விஷயம் மட்டும் இல்லை , மனதை வருடும் விஷயம் கூடத்தான்.இந்த படத்துக்கான முக்கிய கதாபாத்திரங்கள் மட்டுமின்றி மற்ற சிறிய பாத்திரங்களுக்கு கூட நான்கு மாதம் பயிற்சி கொடுத்து நடிக்க வைத்து உள்ளேன்.இந்த படத்தில் மூத்த நடிகர் ராதா ரவி சார் மிகவும் முக்கியமான கதாபாத்திரத்தில் நடித்து உள்ளார். கதாநாயகனாக அறிமுகம் ஆகிறார் நாகா. கதாநாயகியாக அறிமுகம் ஆகிறவர் பிரயாகா , கேரளாவில் இருந்து வந்திருக்கும் அவர் நடன கலைகளில் வல்லவர். 60 அடிக்கும் மேல் உயரத்திலிருந்து ஒரு இரவு முழுவதும் பிசாசாக பறந்து நடித்த காட்சி பிரமிப்பூட்டும்.

பிரபல ஒளிப்பதிவாளர் Wide Angle ரவிசங்கர் இந்த படம் மூலம் ரவி ராய் என்ற பெயரில் மிகவும் வித்தியாசமான கோணங்களில் இந்த காட்சிகளை பிரமாதமாக படம் பிடித்து உள்ளார். Arrol Corelli என்ற புதிய இசையமைப்பாளரை இந்த படத்தில் அறிமுகபடுத்துகிறேன்.எனக்கு வேண்டிய இசை அல்லது நான் கேட்கும் இசை வரும் வரை உழைக்க தயாராக இருக்கிறான். பிசாசு படத்தின் உயிர் நாடி climax காட்சிதான். பல்வேறு ஹாலிவுட் படங்களில் ஸ்டண்ட் இயக்குனராக பணியாற்றிய டோனி இந்த காட்சி அமைப்பில் மிரட்டி இருக்கிறார்.

புதுமுகங்களை வைத்து படமெடுத்தாலும் பட்ஜெட் பெரிது. அந்த சுதந்திரத்தை எனக்கு அளித்த எனது நண்பரும் தயாரிப்பாளருமான பாலாவுக்கு கடமைப்பட்டு இருக்கிறேன்.

இவ்வாறு மிஷ்கின் கூறியுள்ளார்.

Read previous post:
வெளிநாட்டில் லிங்கா படப்பிடிப்பு – கே.எஸ்.ரவிகுமார் போகாததற்கு அனுஷ்கா காரணமா?

லிங்கா படத்தின் பாடல் காட்சிக்காக வெளிநாடு செல்ல வேண்டும் என்று அழைத்தார்களாம் அனுஷ்காவை. அவர் கண்டிப்பாக நோ சொல்லிவிட்டார். அந்த பாடலை உள்ளூர்லேயே எங்காவது எடுக்கக் கூடாதா...

Close