முப்பது செகன்ட் மேட்டர்தான். மூணே மூணு முடிச்சு போட்டு முடிக்கறதுக்குள்ள நம்ம கல்யாண கோஷ்டிகள் பண்ற அலப்பறை இருக்கே? சொல்லில் அடங்காது! மந்திரம் சொல்ற ஐயரில் துவங்கி, மணவறைக்கு பூ கட்ற ஆயா வரைக்கும் சம்பந்தப்பட்ட முகூர்த்த நாளில் டிமாண்டோ டிமாண்ட் ஆகிவிடுவார்கள். சாப்பாட்டுல குறை, சம்பந்திக்கு வாங்குன வெற்றிலையில் குறை, சந்தனத்துல குறை, சரிகை பட்டுல குறை என்று கண்களை அகல விரித்துக் கொண்டே நடமாடும், அத்தைகளும் மாமிகளுமாக ஒரு கல்யாணத்தை நடத்தி முடிப்பதற்குள், முதுகெலும்பு முடிச்சில் ஆறேழு முடிச்சுக்கு ஆயில் மசாஜ் தேவைப்படும்.
இதையெல்லாம் சமாளிக்கதான் வெட்டிங் பிளானர்கள் என்றொரு கோஷ்டி முளைத்தது. காலப்போக்கில் அதிலும் சிக்கல். இவர்கள் சொல்கிற ஆட்கள்தான் நமக்கு என்றானபின், “அட்லீஸ்ட் சாம்பார்ல சொத்தை கத்தரிக்காயாவது இல்லாமல் பார்த்துக்கங்கப்பா” என்று சமாதானம் ஆகிவிடுகிற அளவுக்கு ஆக்கிவிடுவார்கள் நம்மை.
இந்த குறைகளுக்கெல்லாம் மங்களம் பாடி விட்டார் ஆர்.சரத். ‘மை கிராண்ட் வெட்டிங்’ என்ற ஆப் ஒன்றை உருவாக்கியிருக்கிறார் இவர். திருமண ஏற்பாடு துறையில் சுமார் 19 ஆண்டுகள் அனுபவம் உள்ளவராம் இவர். இந்த செயலியில் (ஆப்) சென்னை, பெங்களூர், ஹைதராபத், மும்பை, டெல்லி ஆகிய நகரங்களில் உள்ள சுமார் 3500 வணிகர்கள் இணைந்திருக்கிறார்கள். இந்த ஆப்பை பயன்படுத்தினால் வழக்கமாக ஆகிற கல்யாண செலவில் முப்பது சதவீதம் மிச்சம் என்கிறார் சரத்.
அப்படியே இன்னொரு முக்கியமான சமாச்சாரம். அட… கல்யாண செலவுக்கு பேங்க் லோனும் வாங்கித் தருமாம் இந்த ஆப்!
இவ்வளவு சிறப்பான இந்த செயலியை, பிரபல நடிகையும் கங்காரு, வந்தா மல உள்ளிட்ட படங்களின் ஹீரோயினுமான ஸ்ரீஜா துவங்கி வைத்தார்.
என்னப்பா இது? கல்யாணமாகாத புள்ளைக்கு கல்யாண ஆசையை தூண்டிவிடுறீங்க!
