எத்தனை அர்னால்டுகள் வந்தாலும் தமிழ்நாட்டை பொருத்தவரை உள்ளூர் அர்னால்டுகளுக்குதான் மவுசு…! ஐ எப்போ என்று கேள்வி கேட்கிற ரசிகர்கள் அடுத்து கேட்பது அஜீத் படம் எப்போ? என்றுதான். இப்படி ஒரேயடியாக மக்கள் மனசில் ஊடுருவியிருக்கும் அஜீத்தின் செல்வாக்கை ‘அப்படியே சாப்பிடலாம்’ என்று ஆசைப்படாத தயாரிப்பாளர்கள் யாராவது உண்டோ?
அண்மையில் அஞ்சானில் விழுந்து இமேஜ் சிராய்ப்பு ஏற்பட்டு தவிக்கும் லிங்குசாமிக்கும் அந்த ஆசையிருக்கிறது. ஏற்கனவே அஜீத் நடிப்பில் ‘ஜி’ என்ற படத்தை இயக்கியவர்தான் லிங்குசாமி. அதற்கப்புறம் பல வருடங்கள் கழித்து மீண்டும் அவருடன் இணைய நேரம் பார்த்துக் கொண்டிருக்கிறார். உலக நாயகன் கமல் நடிக்கும் உத்தம வில்லன் படம் கூட லிங்குவின் தயாரிப்புதான். தற்போது சிவகார்த்திகேயன் படம் ஒன்றும் தயாரிப்பில் இருக்கிறது. கோலிசோடா, மஞ்சப்பை என்று நல்ல படங்களுக்கு திடீர் முதலாளி ஆகி அவற்றை முறைப்படி மக்களிடம் சேர்க்கிற பணியையும் சிறப்பாகவே செய்து வருகிறார் லிங்கு. இப்படி பெருமைக்குரிய தயாரிப்பாளராக கொடிகட்டி பறந்து வருகிற நேரத்தில் தானாக வந்த ஒரு அதிர்ஷ்டத்தை தட்டி விடுவாரா என்ன?
சிறுத்தை சிவா இயக்கவிருக்கும் படத்தில் அடுத்த நடிக்க போகிறார் அஜீத். கதையை கேட்டு விட்டு தயாரிப்பாளரை நீங்களே கூட முடிவு பண்ணுங்க என்று லேசான சுதந்திரமும் கொடுத்திருந்தாராம். சிறுத்தை சிவா தயாரிப்பாளர் தேடுகிறார் என்ற தகவல் லிங்குவுக்கு வர, அவரே சிவாவை அழைத்து பேசியதாக கிசுகிசுக்கிறார்கள் கோடம்பாக்கத்தில். ‘அஜீத் இப்போது வாங்கும் சம்பளத்தை விடவும் கூடுதலாக… அவரது பாலிஸி படியே வெள்ளையாக கொடுத்துவிடுகிறேன். அடுத்த கட்ட பேச்சு வார்த்தையை துவங்குங்கள் ’ என்று கூறிவிட்டாராம் லிங்குவும்.
முடிவு இப்போது அஜீத் மனசில். விழப்போவது ரெட் சிக்னலா? க்ரின் சிக்னலா? திக் திக் திக் வினாடிகள் ‘ஆரம்பம்….!’
