‘இதென்ன வயிறா, இல்ல வண்ணாஞ் சாலாடா?’ என்பார் கவுண்டமணி ஒரு படத்தில். ஷுட்டிங் ஸ்பாட்டில் ஓ.சியாக கிடைக்கிறதே என்பதற்காக வளைத்து கட்டும் வல்லமை படைத்தவர்களை பார்த்துதான் அப்படியொரு டயலாக்கை வைத்தாரோ என்னவோ? அதுவும் தயாரிப்பாளர் பணம் என்றால், தனி கார் கொடுத்தனுப்பி, ‘முப்பது கிலோ மீட்டர் தாண்டி ஒரு முட்டு சந்து இருக்கு. அங்கேயிருக்கிற முனியாண்டி விலாஸ்ல ஆம்லெட் நல்லாயிருக்கும். ஒரு அஞ்சு பார்சல் கட்டிட்டு வா…’ என்று அனுப்புகிற நடிகர்களையெல்லாம் அன்றாடம் பார்த்து வருகிற சினிமாதான் நம்ம தமிழ்சினிமா. இது போன்ற வயிறு சமாச்சாரங்களையெல்லாம் டீல் பண்ணுகிற தயாரிப்பு நிர்வாகிகள் சிலர், தனியாக நின்று கொண்டு ‘வௌங்குனாவா இவன்லாம்…?’ என்று புலம்புகிற காட்சிகளையெல்லாம் இங்கே அன்றாடம் பார்க்க முடியும்.
வயிறு நிறைஞ்ச ஆம்பிளைங்கதான் இப்படி என்றால், உண்டி சிறுத்த பெண்டிர் குலமும் விடுவேனா பார் என்கிறது. நாம் சொல்லுகிற தகவலை கேட்டால், பகீர் ஆகிவிடுவீர்கள். ஒரு ஊர்ல ரெண்டு ராஜா படத்தில் நடித்துக் கொண்டிருக்கிறார் ப்ரியா ஆனந்த். படப்பிடிப்பில் இவர் ஓட்டலில் ஜுஸ் ஆர்டர் பண்ணி சாப்பிட்ட வகையில் ஆன பில் தொகை எவ்வளவு தெரியுமா? 45 ஆயிரமாம். வெறும் ஜுஸ் செலவு மட்டும்தான் இவ்வளவு. அதற்கப்புறம் அவர் வைக்கிற இதர செலவுகளை இன்னும் கூட்டி கழிச்சு பார்க்கல. அதையும் பார்த்துட்டா அது எத்தனை லட்சத்தில் போய் முடியுமோ என்று பெருமூச்சு விடுகிறார்களாம் சம்பந்தப்பட்ட ஏரியாவை டீல் செய்யும் பொறுப்பாளர்கள்.
உருப்படியா ஒரு ஹிட்டும் கொடுக்காத ப்ரியா ஆனந்திற்கே இப்படி என்றால், நயன்தாரா, த்ரிஷா, லட்சுமிமேனன், ஸ்ருதிஹாசன் லெவலெல்லாம் எப்படியிருக்கும்? கேட்கவே கிறுகிறுங்குதே!
